அபிஷேக் பச்சன் தனது 36-வது பிறந்தநாளை நேற்று கொண்டாடி மகிழ்ந்தார். இதையொட்டி அவருக்கு வாழ்த்துகள் வந்து குவிந்த வண்ணம் உள்ளன. பாலிவுட்டின் முதல் குடும்பம் என்று சொல்லும் அளவுக்கு பெயர் எடுத்துள்ள பச்சன் குடும்ப வாரிசு அபிஷேக் பச்சன் தனது 36-வது பிறந்தநாளைக் கொண்டாடி மகிழ்கிறார். இது அவருக்கு ஸ்பெஷலான பிறந்தநாள். அதற்கு காரணம் ஜஸ்வர்யா தன்னைப் போன்றே அழகான மகளைப் பெற்றுக்கொடுத்துள்ளது தான். தனது மகள் வேகமாக வளர்வதாக அபிஷேக் டுவிட்டரில் மகிழ்ச்சி தெரிவித்துள்ளார். அவருக்கு வாழ்த்து தெரிவித்துள்ளவர்களில் சிலரின் விவரங்கள், சோனம் கபூர்: ஜூனியர் பச்சனுக்கு பிறந்தநாள் வாழ்த்துகள். எனக்கு தெரிந்தவர்களிலேயே நீங்கள் தான் மிகவும் நல்ல மனிதர். பிபாஷா: ஹேப்பி, ஹேப்பி பர்த்டே ஜூனியர் பச்சன்! லவ் அன்ட் ஹக்ஸ் ஃபிரம் பிப்பி. நீல் நிதின் முகேஷ்: எனது மூத்த சகோதரருக்கு இனிய பிறந்தநாள் வாழ்த்துகள். லாட்ஸ் ஆப் லவ் டு யூ பிரதர். ராணா டக்குபதி: அபிஷேக் பச்சனுக்கு பிறந்தநாள் வாழ்த்துகள். இவ்வாறு பலரும் வாழ்த்து தெரிவித்த வண்ணம் உள்ளனர். பிலேட்டட் வாழ்த்துகள் பச்சன்!
| < Prev | Next > |
|---|
