ஹாரிஸ் ஜெயராஜுடன் கை கோர்த்த முரட்டுப் பையன்!

E-mail Print PDF
User Rating: / 1
PoorBest 

பிவிபி சினிமாஸ் தயாரிக்க, செல்வராகவன் இயக்கும் 'இரண்டாம் உலகம்' படத்துக்கு ஹாரிஸ் இசையமைக்கிறார். செல்வராகவன் படங்களுக்கு ஆரம்பத்தில் இசையமைத்தவர் யுவன் சங்கர் ராஜா. ஆனால் இருவருக்கும் கருத்து வேறுபாடு ஏற்பட்டதால், ஜி.வி. பிரகாஷ் குமாருடன் இணைந்தார் செல்வராகவன். 'ஆயிரத்தில் ஒருவன்', 'மயக்கம் என்ன' படங்களுக்கு ஜி.வி. பிரகாஷ் இசையமைத்தார். இப்போது 'இரண்டாம் உலகம்' படத்தை உருவாக்கி வருகிறார் செல்வா. ஆர்யா - அனுஷ்கா நடிக்கும் இந்தப் படத்தை, 'ராஜபாட்டை' தயாரித்த பிவிபி சினிமாஸ் தயாரிக்கிறது. இந்தப் படத்துக்கு இசையமைப்பாளராக ஹாரிஸ் ஜெயராஜ் ஒப்பந்தமாகியுள்ளார். இதனை செல்வராகவனே அறிவித்துள்ளார். இதுகுறித்து செல்வராகவன் கூறுகையில், "ஹாரிஸூடன் இணைவது உண்மைதான். நாங்கள் இருவரும் பக்கத்து பக்கத்து தெருக்களில் வசிப்பவர்கள். சிறு வயதிலிருந்தே நானும் ஹாரிஸூம் நண்பர்கள். அப்போது நான் முரட்டுப் பையன். ஹாரிஸ் அமைதியாக இருப்பார். இப்போது இருவரும் இணைந்து படம் பண்ணுகிறோம். இது ஒரு புதிய அனுபவமாக இருக்கும்," என்றார். ஒங்க இசை அமைதியும், முரட்டுத்தனமும் கலந்த கலவையாயிருக்கட்டும்.....