பாடிகார்டை' முறியடித்த 'ரா.ஒன்'!

இந்தியா முழுவதும் 3,200 தியேட்டர்களில் வெளியாகியுள்ள ஷாருக் கானின் 'ரா.ஒன்' முதல் நாளிலேயே ரூ. 22 கோடியை வசூலித்து ரெக்கார்ட் பிரேக் செய்துள்ளது. படத்தின் இந்திப் பதிப்பு ரூ. 20 கோடியை ஈட்ட, தமிழ் மற்றும் தெலுங்கு டப்பிங் பதிப்புகள் தலா ரூ. 1 கோடியை ஈட்டியுள்ளன. ரூ. 145 கோடியில் ஷாருக் தயாரித்துள்ள இந்தப் படம் நாட்டின் பெரும்பான்மையான மல்டி பிளக்ஸ்களில் 20 சதவீதம் அதிகமான டிக்கெட் விலையுடன் திரையிடப்பட்டுள்ளது குறிப்பிடத்தக்கது. சல்மான் கானின் 'பாடிகார்ட்' நாடு முழுவதும் 2,700 தியேட்டர்களில் வெளியிடப்பட்டு ஒரே நாளில் ரூ. 21 கோடியை வசூலித்தது. இது தான் இதுவரை இந்திப் படத்தின் ரெக்கார்ட் பிரேக்காக இருந்தது. இதை முறியடித்துள்ளது 'ரா.ஒன்' என்கிறார்கள். 'பாடிகார்ட்' ரிலீசான முதல் 5 நாட்களில் ரூ. 80 கோடியை ஈட்டியது. 'ரா.ஒன்' ரூ. 100 கோடி வசூலைத் தாண்டும் என்கிறார்கள். சூப்பர் ஸ்டார் என்ட்ரி குடுத்திருக்காருன்னா சும்மாவா...?